Sie sind hier

Vörtellsels un Döhnekes

Vörtellsels un Döhnekes

De beste Vader

Bennätzken un Hiärmken streeten sick, we von iähr denn besten Vader har. Bennätzken sagg: "Mien Vader de kann bit`t Raseeren siene Sigarett in`n Mund hollen." Hiärmken sagg: "Dat is gar nicks, mien Vader de kann siene Niägel up de Tehn besniehen, aohne daobie siene Söck uttetrecken."

Vörtellsels un Döhnekes

Bie'n Frisör

Krassgerts Jupp wät von de Lährjung raseert, Nao so'n Tietken sägg Krassgert to de Jung: "Nu wocht äs 'n Augenslagg". Daobie stick he sik an'n Hals up un daal. "Wat is?" frögg de Jung. "Nix", sägg Krassgert, "ik wull bloß äs föhlen, of ik an'n Hals no dicht sin.

Vörtellsels un Döhnekes

Drucksache

Krasskamps Buer ut Lette was von'n Dokter in Coesfeld gründlick unnersocht wuorn. Nao de Unnersökung har de em säggt: "Sie müssen mir aber morgen noch 'ne Stuhlprobe zur Untersuchung zuschicken!"  Krasskamp wuß gar nich, wu he dat maken soll. "Dat is ganz licht", sagg Öhm August, "enfack äs Drucksache."

Vörtellsels un Döhnekes

Doppelkopp

Veer Rentners satten jeden naomeddag an'n Stammdissk un spiellten Doppelkopp. Up eenmaol sackt een von de veer in sienen Sessel daut bineene. Siene Karten har he obber nao so vörkrampt in de Hand, äs he al daut was, Dao keek em een von de drei anneren Rentners nao iäm'm in de Karten un sagg: "Na ja, stiäken har he obber nich mähr konnt."

Vörtellsels un Döhnekes

Dat schlimme Aoller

Nüelick troffen sick iätlicke Frauen ut de Naoberschop bi`n Köppken Kaffee. Dao wuor auk üöwer dat schlimmste Aoller von de Kinner küert. "Wenn bloß al de twee iästen Jaohr vörbi wassen", meine `ne junge Frau. "Ach wat, dat is doch `ne schöne Tied in Vörgliek to de iärsten Schooljaohr", sagg `ne annere Moder. "Na, un dann de Fliegeljaohr - du leiwe Güte", stühne de diäre Moder. Dao sagg `ne Oma, de daobi satt, ganz ernst: "Afwochten, afwochten, büs se vättig sind."

Vörtellsels un Döhnekes

Omas Schrothkur

Krassgerts Liesbeth mook 'ne Kur in Bayern. Se wull in so'nne Schrothkur gehörig affnierm. Dao schrew se nao Hues: "Leiwe Kinner, ick hiäw in vetteihn Dage al de Hälft von mien Gewicht vörluoren." Dann hiäw iähr Schwiegersuohn trüggeschriewen: "Großartig Oma, bliew män nao vetteihn Dage dao."

Vörtellsels un Döhnekes

Kinn richtige Buersmann

In´t Surland dao kam´n Urlauber met`n aolt Möderken in´t Gespriäk. Dat klage al än to, dat et nu jüst in de Heienstiet so viell riänge. Un dann sagg et auck: "Usse Häerguott de mag dat wull ganz guet meien met denn Riängen, obber ´nen richtigen Buersmann is he nich."

Vörtellsels un Döhnekes

Ächten wassket un schnieden

De Frisör Brintrup de deih sien Geschäft von binnen nu renuweern. Dao stonn sien`n Suohn Nätzken in de Huesdöör. De Kundschaft frogg denn Jungen, of dat Geschäft so lang schluoten wuor. "Ne, ne", sagg de Jung, "de Kundschaft de wett so lang ächten wassket un schnieden."

Vörtellsels un Döhnekes

De Freischütz

Pannenkamps Jupp sitt met siene Frau in´t Konzert-Theater. Et wuor dat Stück "De Freischütz" giewen. Äs in dat Stück de Stell kam, wao´t blitzt und grummel, dao duke sich Jupp so'nn biertken to siene Frau rüöwer un sagg iähr so sinnig in`t Aohr: "Du Liesbeth, dat Wiär dat häw ick al iärtlicke Dag in miene Butten sitten."

De Unfall

Natz har bie so'n Unfall düftig wat affkiegen un kamm in't Krankenhuus. De so söte Krankenschwester frogg em nu so bielöftig, of he verhieraot wäör. Natz dei sik uprisken, keek de Süster heel verfeert an un sagg: "Dat was'n Autounfall."

Vörtellsels un Döhnekes

Angenehme Ruh'

Karl Heine dööt sik doch nu so harre beklagen bi siene Kollegen. "Natz, -- Siet de Tied, dat wi 'n nie'n Bürovorsteher häbbt, dögg't bi us nich mähr.  Ik kann meddags kien Auge mähr to maken." "Waorum?" - Päss de Schaleier so wahne up?" "Nee, dat nich, män ne snuorkt so laut."

Vörtellsels un Döhnekes

De Huusfrönd

Änne was an't Schimpfen met iähren Mann. "Franz, ik kann dat nich utstaohn, dat Du alle Aobende nao dien Dubbelkopprunde geihst. - Wenn dat met Di so wiedergeiht, dann holl ik mi 'nen Huusfrönd." Dao wuor Bennatz söllfärrig: "Wenn Du di 'nen Huusfrönd nimms, dann aower nicheen ut usse Dubbelkopprunde."

Vörtellsels un Döhnekes

Bie´n Frisör

Krassgert wät von de Lährjung raseert. Nao so'n Tiedken sägg Krassgert to de Jung: "Nu wocht äs 'n Augenslagg", daobie strick he sick an`n Hals up un daal. "Wat is", frögg de Jung!" "Nix", sägg Krassgert, "ik wull bloß as föhlen, of ik an`n Hals no dicht sin."

Vörtellsels un Döhnekes

Vertrauen

Natz stonn met siene Koffer up'n Bahnhoff un wochte för den Sug nao Lette. Niäben Natz stönn so'n fienen Hiärrn met 'ne Sigarre. Dao sägg Natz to den fienen Hiärrn: "Würden Se bitte äs up mienen Koffer so'n lück acht giewwen, ich wüll mi effen 'ne Tietung halen." "Was erlauben Sie sich, so mit mir zu reden! Ich bin Bankdirektor!", sagg de vornehme Hiärr. Dao sagg Natz

Seiten

 


Zu guter Letzt

QR-Code

Der QR-Code für diese Seite. Der QR-Code für diese Seite.
Subscribe to RSS - Vörtellsels un Döhnekes